شكر لابى الحبيب البابا كيرلس السادس

من طرف **فرايم** الجمعة نوفمبر 21, 2008 3:37 pm

بأسم اللة القوى
الاسم/م.ع.ر
حدثت معى المعجزة فى عام 2004 انا اسف جدا على تأخيرى فى كتابة المعجزة دى بس بجد مكنتش عارف اكتبها فين وازاى مش هطول عليكم علشن المعجزة نفسها طويلة.
كنت اعمل فى شركة كمبيوتلر مع احد اصدقائى وكان فى يوم 26/3/2004 اعمل فى وردية سهر من الساعة 11 بليل وحتى الساعة 7 صباحا فى هذة اليلة حاوالى الساعة 12.30 صباحا كنت وحدى بلمكتب ودخل شخص غريب جدا وطلب منى انى اقوم بعمل تنزيل بعض المعلومات على الهارد ديسك الخاص بية فرفضت الوقت متأخر ودى كان وقت شغل خاص بلعمل وبس المهم ادعى هذا الشخص ان صاحب الشركة اتفق معاة ان يعملة الحاجات دى انما رفضت وطلبت منة ان يجى يقابل صاحب الشركة المهم انا قمت من مكانى لمدة ثوانى ورجعت تانى وكنت ناسى ان انا سبت الموبايل جنب الشخص دا المهم رجعت وطلبت منة ان يرجع تانى يوم وصاحب الشركة يعملة اللى هو عايزة فعلا خرج الشخص دا بطريقة غريبة زى ان بيجرى المهم انا قعدت اتكلم مع زميلى على الايميل ومخدتش بالى خالص ان الموبايل مش موجود فى مكانة غير الساعة 4صباحا عندما كنت اريد رقم مهم من على الموبايل المهم حاولت ان اتصل من كارت خاص على الرقم بتاعى ولاقيتة ان مقفول طبعا اتخضيت وحاولت كتير ان اشوف مكانة ملقتش اى حاجة المهم عرفت ان الشخص دا سرقة علشان كان هو الوحيد اللى دخل المكتب وقت لما كنت موجود المهم تانى يوم 27/3/2008 نزلت الشركة اللى خطى عليها علشان ارجع رقمة تانى علشان الناس كلة والشغل وكل حاجة وارقام زميلى عليها وقولت ربنا يعوض المهم مبلغتش عن سرقة التليفون ونزلت اجيب واحد تانى وخلاص المهم تالت يوم من سرقة التليفون كنت ذهاب لمكتب كمبيوتر بجانب المكتب الذى اعمل بة وجدت نفس الشخص هناك يطلب بعض الاشياء فقمت بلامساك بة وطلب احد زملائى النجدة وعندما ذهبنا الى قسم الشرطة وقولت اقوالى اتهمنى هذا الشخص ان انا اخدت باردو منة اشياء تخصة ملاحظة هذا الشخص غير مسيحى المهم قامو بأخذ اقوالة وعملو محضر ان انا كمان سرقت منة حاجات المهم قالو ان لازم ندخل الحجز اليوم دا وحتى معاد النيابة فى الصباح طلبت البابا كيرلس والشهيد مارمينا والشهيد مارجرجس وانا فى الحجز بقا ناس كتير واول مرة اشوف مكان زى دا فى حياتى كلها بقيت اصلى اول حاجة دخلت لاقيت واحد بأسم الرومانى فضل قاعد معايا حتى الصباح المهم محدش حتى بص عليا من الناس الموجودة واكن انا شخص محدش يقدر يشوفة المهم تانى يوم ذهبنا الى النيابة ساللو عن الاسامى طبعا قولت كل اللى حصل تانى ومرة وحدة لاقيت وكيل النيابة بيقول ان يجدد الحبس وان نتعرض على النيابة تانى يوم كنت هتجنن وتعبت جدا ونفسيتى بقت واحشة جدا بجد كنت هموت المهم روحنا الحجز تانى وبجد من كتر التعب نمت محستش بأى حاجة لحد تانى يوم معاد النيابة روحنا هناك ومعى اقاربى اللى حاولو اخرجى [اكثر من وسيلة ومعارف وباردو مكنش فى اى فايدة المهم لما طلب وكيل النيابة مقابلتى بمفردى فضلت اصلى لابى الحبيب البابا كيرلس اللى بجد كنت قاعد فى النيابة وشايفة قاعد قدامى وبيبتسم ابتسامة خلتنى اطمنت قوى المهم ابتدات اتكلم واكن البابا كيرلس كان المحامة بتاعى قدام النيابة وكيل النيابة طلب يعرف معلومات عنى وعن الشخص دا ولاقى علية كذا قضية سرقة الحمدللة ابتدا يفهم الموقف وكنت انا فى الوقت دا طالب بقسم الكمبيوتر فى كلية تربية وطبعا الشخص دا ظهرت بقا كل عيوبة البابا كيرلس طبعا كمحامى عن كل اولادة ابتدا يفتح قلب وكيل النيابة واتغير الحال تماما الى صالحى وقام وكيل النيابة قلى اتفضل روح وقطع كل الورق الخاص بى معرفش ازاى كل دا حصل بس اقول اية كان معايا اكبر محامى لكل اولادة ابى الحبيب البابا كيرلس وخرجت من المكان دا والحمدللة الشخص دا بقا عرف عنوانى وحاول قتلى كذا مرة بس انا بلغت عنة تانى وصليت والبابا كيرلس اتصرف اختفى الشخص دا تماما واكن لم يكن لة اى وجود اشكر ابى الحبيب البابا كيرلس والشهيد مارمينا والشهيد العظيم مارجرجس على كل ما يعملوة من اجلنا واسف جدا على تاخيرى دا وانا بجد فى حياتى كل يوم معجزة تدل على وجودهم معايا بطلب منهم يشفعو لينا دايما امام عرش النعمة ولالهنا كل مجد واكرام من الان والى الابد امــــــــين+

منقول

فرايم فام