هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

حصريا أوبريت جوه القلب يابابا شنودة من آداء نخبة من مرنمى مصر

اذهب الى الأسفل

حصريا أوبريت جوه القلب يابابا شنودة من آداء نخبة من مرنمى مصر Empty حصريا أوبريت جوه القلب يابابا شنودة من آداء نخبة من مرنمى مصر

مُساهمة من طرف فرايم الجمعة نوفمبر 14, 2008 9:51 am

كورال الثلاثة قديسين
حـــصـــريا
جوه القلب يا بابا شنوده
شاهد جزء من العرض أمام قداسة البابا شنوده يوم الأربعاء الماضى

http://www.4shared.com/file/67980008/4b962747/____.html


ترنيمة جثوَّه القلب يا بابا شنوده

كلمات الشَّاعر رمزى بشاره

ألحان وتوزيع موسيقى وتوزيع هارمونى
وهندسه صوتيَّه الموسيقار حاتم منير

1- زى ما قلنا ألف سلامه
ودعينا ربِّنا يشفيك
بنقول حمد الله عا السلامه
كُلِّنا هِنا بنرَحَّب بيك

يا سبعتاشر بعد الميَّه
من باباوات إسكندريه
إنت هديه وغيبتَك دِيَّه
ماتتكرّرشى الله يخلِّيك

القرار:
بينيوت إثؤواب إم باطريارشيس
بابا آفا شينوتى بى آرشى إيرفس
إنتَ راعينا الغالى البابا القِدِّيس
أب حنَيِّن دايماً بولادَك بِتحِس

جُوَّه القلب يا بابا شنوده ... ياللى إيديك بالخير ممدوده
يا خليفة مارِمرقُص


2- طِفل صغيَّر إسمه نظير
متميِّز ومالوهشى نظير
وبَقَى البابا شنوده التالت
خِطَّة إلهيه وتدبير

الرَّب إلهنا إللى إختار
كان ساندك طول المشوار
إللى إبتدى ويَّاك آهو كَمِّل
لسنين تانيه يا بابا كتير

3- ياناسِك مـ الدَّرجه الأولى
شيخ. وتصلى كتير وتصُوم
وعلاقتك بالدِّير موصوله
بتروح خِلوه لحَد اليوم

إنتَ غريب عايش فى الدَّنيا
والدُّنيا مش عايشَه فـ قلبَك
مش بتفوت من عُمرك ثانيه
غير لَمَّا بِتكَلِّم رَبَّ


4—إنت الحُزن ماتِعرَفهوش
والهم إنتَ مابتشيلهوش
وعليك خِفِّة دَم عَجيبَه
كُلَّك طيبَه وديع وبَشوش

مِن كُتر بَساطتك مِتحَيَّر
إنسان قلبَك قلب ملاك
وعليك ضِحكة طِفل صغيَّر
تِضحك وتِضَحَكنا مَعاك


5- وِعِظاتَك فى طَريقنا علامه
وكلامَك يا أبانا روحانى
يا بابا شنوده يا عَلاَّمه
يا ذهبى الفَم التَّانى

علاَّمه بجد وموسوعَه
وَعَظات مَرئيَّه ومسموعه
وكُتب لاهوتيَّه وروحيَّه
تعاليم جُوَّانا مَزروعَه


6- ومخَصَّص يوم فى الأسبوع
تيجى تكلِّمنا فـ موضوع
يوم الأربَع نيجى ونِسمَع
نيجى تِقَدِّم لينا يسُوع

نسأل وإنتَ تقول إجابات
وتفَسَّر فى كتابنا آيات
وِفـ لَجنة البِر. بِتَفسَك
بتقَدِّم لينا مُساعدات


7- وأديب وبتِكتِب أشعار
فَنَّان ومُثَقَّف وحَكيم
ومُفَكِّر عَندَك أفكار
ومُُفَسِّر ليك فِكر سَليم

بتحارب البِدع اللاهوتيَّه
مش بس بحرومات كنسيه
زى ما قالت الدسقوليه
تمحو الإثم بالتعليم


8- أيوه إنتَ صلاه زى داود
على رَبَّك دايماً مًسنود
تِتألِّم وتقول لِلخير
وِشعارَك رَبِّنا موجود

وجراح شعبَك حاسس بيها
تِتألِّم وبِتِبكى عليها
وبتُطلُب رَبِّنا يِدَّخَل
يِسمعلَك وقَوام يداويها


9- بَلَدَك دى فـ قلبَك ياراعينا
وِف كُل مَكان بِتروح لِيه
بتقول مصر دى بتعيش فينا
مش بس وَطن بنعيش فيه

وطنى. ومين ينسالَك مين
قلت أنا مش هاجى فلسطين
غير لمَّا تِرجَع لِصحابها
ونُدخُلَّها مع بَعض .آمين



10- أديرَه عَمرانَه برُهبان
وكنايس فى كل مكان
كل ده حاصِل بَس فـ عَهدَك
نُور كنيستنا للكون بان

والإعلام إهتَمِّيت بيه
لَمساتَك آهى باينَه عليه
كل الدُّنيا شايفَه أغابى
والعالَم بيشوف سى تى فى




ملحمة حُب
مُقَدَّمه من مُرَنِّمى مِصر إلى قَداسة البابا شِنوده الثالث

أنطون إبراهيم عيَّاد
ومريم بطرس

أبانوب حاتم منير
وعِماد خيرى

مريم حِلمى
ومايكل إبراهيم

ليليان عبيد
وسامح عبيد

مريم شوقى
وميشيل طَلعَت

نيفين جمال
وبيتر بديع

ساره معروف
ورومانى رؤوف

ماريان جورج
ومينا القمص كيرياكوس

نرمين وهبه
وبرسوم القُمُّص إسحَق

نيفين شُكر الله
والإعلامى جورج رشاد



كلمات رمزى بشاره
ألحان حاتم منير
كمانجه : عماد عزمى
قانون : راجى كمال
ساكس : حُسنو



يارب يعجبكم
منقول

فرايم فام
اذكروتى فى صلاواتكم
فرايم
فرايم
Admin

عدد المساهمات : 132
تاريخ التسجيل : 07/11/2008
العمر : 41

https://maregerges.own0.com

الرجوع الى أعلى الصفحة اذهب الى الأسفل

الرجوع الى أعلى الصفحة

- مواضيع مماثلة

 
صلاحيات هذا المنتدى:
لاتستطيع الرد على المواضيع في هذا المنتدى